Pas dy vjetësh huazimi, bashkëpunimit të Karlos Tevezit dhe Mançester Junajtedit i ka ardhur fundi. Në javët e fundit janë zhvilluar bisedimet rreth mundësisë së vazhdimit të bashkëpunimit, por një gjë e tillë nuk do të ndodh. Tevez ka shprehur dëshirën për t'u larguar nga "Old Trafford", kurse sipas zërave të fundit të mediave angleze, sulmuesi argjentinas është afër kalimit te Mançester Siti.
Pas dy vjetësh huazimi, bashkëpunimit të Karlos Tevezit dhe Mançester Junajtedit i ka ardhur fundi. Në javët e fundit janë zhvilluar bisedimet rreth mundësisë së vazhdimit të bashkëpunimit, por një gjë e tillë nuk do të ndodh. Tevez ka shprehur dëshirën për t'u larguar nga "Old Trafford", kurse sipas zërave të fundit të mediave angleze, sulmuesi argjentinas është afër kalimit te Mançester Siti. Ndërkohë, në një bisedë për të përditshmen "The Guardian", Tevez edhe një herë ka rikujtuar periudhën e tij te Mançester Junajtedi dhe veçmas bashkëpunimin me Aleks Fergusonin. "Askush nuk guxon ta kundërshtoj Fergusonin dhe nuk kam guxuar as unë", ka theksuar Tevez, duke sqaruar: "Statusi i Fergusonit është i tillë që respektohet sikur të ishte president shteti. Nëse hynë në konflikt me të, gjithmonë humbni, pa marrë parasysh a keni të drejtë apo jo. Opinioni publik është i tillë ku gjithmonë jeni palë humbëse. Familja ime më së miri e di se sa kam vuajtur te Mançester Junajtedi. Shpesh jam ulur në bankinë, por për shkak të një veprimi të tillë Fergusoni ka pësuar humbje në një ndeshje të madhe. Ai është dashur të më inkuadrojë në lojë që nga fillimi i ndeshjes finale të Ligës së Kampionëve ndaj Barcelonës".