Ushqimi mediteran më i mirë për zemër

Një hulumtim i shkencëtarëve kanadezë nga Universiteti McMaster ka treguar se ushqimi mediteran është zgjedhja ideale për shëndetin e sistemit kardiovaskular.

Ky studim ka analizuar të dhënat nga disa studime të mëparshme të cilat kanë studiuar ndikimin e ushqimit në shëndetin e zemrës, të realizuara në 50 vitet e fundit në Evropë, SHBA dhe Azi.

Rezultatet kanë treguar se ushqimi i pasur me sasi të madhe të pemëve, perimeve, vajit të ullirit dhe drithërave, zvogëlojnë dukshëm përqendrimin e kolesterolit në gjak dhe në këtë mënyrë reduktojnë rrezikun për zhvillimin e sëmundjeve kardiovaskulare.