Jo përmes sondazheve ose votave në internet, por nëpërmjet një formule shkencore, ka rezultuar se buzët më të bukura mes gjithë yjeve të kinemasë botërore i ka aktorja italiane, Monika Belluçi.

Ekspertja amerikane, doktoresha Kendra Shmid, përmes një softueri, ka testuar buzët e yjeve kinematografikë. Programi përdor një formulë shkencore dhe i jep një votë buzëve, duke u bazuar te përmasat, format mishtore, ngjyra dhe konturat. "Është softuer i parë në botë që jep të dhëna biometrike duke përdorur formulat dhe analizuar buzët nëpërmjet karakteristikave të tyre", u shpreh Shmid. Sipas studimit shkencor, Belluçi ka marrë 10 pikë të plota. "Buzët e saj janë të plota, të buta dhe proporcionalisht ideale", u shpreh Shmid. Në vendin e dytë është bukuroshja Skarlet Xhohanson, pastaj vjen Halle Berri, ndërsa pesëshen e rrumbullakon Bejons Noules dhe zeshkania Anxhelina Zholi.