Këngëtarja shumë e pëlqyer nga Shqipëria, Elvana Gjata, ka zgjedhur mënyrën e zakonshme të shumicës së këngëtarëve shqiptarë për të vazhduar drejt suksesit- dhe kjo është mbajtja e koncerteve, duke pasur parasysh se albumet kopjohen dhe nuk shiten.

Elvana e ka pasur të vështirë në fillim të joshë publikun me zhanrin e saj muzikor, sidomos shqiptarët që jetojnë në diasporë, por me kalimin e kohës ajo është bërë njëra nga këngëtaret më të pëlqyera anekënd botës shqiptare.

Këngëtarja e hitit të fundit “Nuk jam më” pohon se nuk mund të këndojë muzikë popullore për faktin se thjeshtë nuk i përshtatet, por ka premtuar se në albumin e dytë do të përfshijë një kolazh të Parashqevi Simakut, e cila ka qenë këngëtarja e saj e preferuar që nga mosha e re, njofton suplementi “Panorama Plus”