Arnold Schwarzenegger ka konfirmuar se ai do të luajë në filmin e ri të Sylvester Stallones, "The Expendables", mirëpo thotë se do të paraqitet vetëm në një skenë të shkurtë.

Javën që shkoi u përhapën lajmet se Guvernatori i Kalifornisë do t’i rikthehet aktrimit në rol kryesor, gjë që nuk e ka bërë që nga viti 2003, duke nxitur pakënaqësi te kalifornezët, të cilët pohojnë se ai duhet të jetë i përqendruar në këtë moment të krizës së buxhetit shtetëror.

Mirëpo ylli i filmit ka njoftuar se pjesëmarrja e tij në film do të jetë shumë e shkurtër dhe nuk do t’i pengojë në kryerjen e detyrave politike.

“Që kur jam bërë guvernator jam paraqitur në tri skena të shkurta filmike. Sly më pyeti nëse mund të paraqitesha në film dhe unë pranova të luaj një rol të vogël. Më pëlqen të luaj me të, sepse është një regjisor dhe aktor i tmerrshëm...”, ka thënë ‘Terminatori’