Këngëtarja e muzikës soul nga Uellsi ishte ylli i ceremonisë së ndarjes së çmimeve britanike për muzikën, e cila u zhvillua të martën në Londër.
Duffy që nuk ishte shumë e njohur një vit më parë, mori tre çmime, përfshirë edhe atë për albumin më të mirë britanik.

Çmimi për albumin më të mirë iu dhurua nga legjenda e muzikës pop, po nga Uellsi, Tom Jones.

Katy Perry fitoi si këngëtarja më e mirë ndërkombëtare, ndërsa Kanye West këngëtari më i mirë ndëkombëtar.

Çmimi për kontribut të jashtëzakonshëm për muzikë iu dha grupit anglez Pet Shop Boys.

Elbow, grupi nga Manchester, fitoi në kategorinë grupi më i mirë britanik, kurse grupi amerikan i muzikës rrok, Kings of Leon fituan në kategoritë grupi më i mirë i huaj dhe albumi më i mirë.

Surpriza e natës ishte grupi britanik, Coldplay që nuk mori asnjë çmim, megjithëse albumi i tyre Viva la Vida ishte më i shituri i vitit të kaluar.