Spekulimet rreth emerimit te Ljupko Petroviç ne stolin e Kombetares shqiptare jane mbyllur zyrtarisht nga Federata Shqiptare e Futbollit.

Institucioni qe drejton sportin me popullor ne vend, nepermjet nje deklarate per shtyp i ka cilesuar vetem mediatik emrat e trajnereve qe qarkullojne si kandidate per stolin kuqezi.

“FSHF deklaron se deri me tani nuk eshte kontaktuar asnje trajner. Emrat qe jane diskutuar si kandidate per drejtimin e perfaqesueses jane thjesht mediatike. Serbi Petroviç nuk eshte prane emerimit, ashtu si te tjeret, pasi me pare duhet te fillojne bisedimet”, theksohej ne deklarate.

Nderkohe, sipas mediave serbe, trajneri i mirenjohur eshte me prane Levskit te Sofjes, sesa Shqiperise. “Blic” theksonte se 61-vjeçari eshte mjaft i respektuar ne Bullgari, si nga drejtuesit e klubeve, ashtu edhe nga tifozet. Atje Petroviç ka drejtuar dy skuadra. Nje tjeter detaj mjaft interesant eshte edhe takimi i Petroviç, qe u shpall kampion Evrope me Yllin e Kuq te Beogradit ne vitin 1991, me drejtuesit e Levskit.

Se fundmi ai ndoqi nga afer ndeshjen eliminatore te Boterorit 2010 ndermjet perfaqesueses bullgare dhe asaj qipriote. “Ne stadium, perfaqesuesit e Levskit i ofruan drejtimin e skuadres”, theksonte media serbe.