Disfata 1:0 e Bayernit përballë Shalkes i ka larguar bavarezët nga gara për titullin e kampionit. Edhe pse paralajmëruan fitore të sigurt përballë rivalit historik, në fund pas pesë viteve pauzë tri pikët udhëtuan për në Gelzenkirhen.
Bayerni takimin e hapi me sulme të mëdha, mirëpo mysafirët në minutën e 21 përmes Halil Altintopit kaluan në epërsi. Në vazhdim Bayerni hapi plotësisht lojën, madje duke krijuar disa raste për të shënuar, mirëpo porta e mysafirëve mbeti e paprekur. Vlen të ceket se takimin të dyja skuadrat e mbyllën me nga 10-të futbollistë, pasi Xhons i Shalkes dhe Riberi i Bayernit u larguan nga loja me karton të kuq, pas dy kartonave të verdhë. Kjo disfatë pos që Bayernin e largoi nga lufta për titullin e kampionit, ka gjasa të jetë edh përballja e fundit e Klinsmanit në pankinën e "bavarezëve".
Karlsruhe bëri befasinë më të madhe duke shënuar fitore 1:0 si mysafir te Bayer Leverkuseni. Borusia Dortmundi fitoi 2:0 përballë Hamburgut, ndërsa Hannoveri nuk pati probleme me Kelnin.Shtutgardi fitoi 2:0 me Ajntraht Frankfurtin, ndërsa Verderi edhe pse kishte disavantazh 0:2, në fund mori fitoren përballë Bohumit. Të dielën kompletohet java e 29-të me takimet Enerxhi Kotbus-Volfsburg dhe Borusia Mynshengladbah-Arminia Bielefeld.

Tabela:

Hoffenheim 0 - 1 Hertha
Bayer L 0 - 1 Karlsruhe
Bayern M 0 - 1 Schalke
Borussia D 2 - 0 Hamburger
Hannover 2 - 1 Cologne
Stuttgart 2 - 0 Eintracht F
Werder B 3 - 2 Bochum


E diel:
Energie C - Wolfsburg
Borussia M - Arminia B

Faton Zylbehari