Skuadra e dytë në Serie A, Milan, ka shënuar fitore me rezultat prej 2-0 si mysafir i Catanias në Stadio Massimino.

Golin e parë në ndeshje e shënoi ‘njeriu gol’, Filippo Inzaghi, i cili pranoi një top nga Ricardo Kaka, për ta mposhtur portierin Kosicky (27’).

Përveç asistimit, Kaka u regjistrua edhe në listën e golashënuesve, pasi që ishte pikërisht braziliani lojtari i cili shënoi golin e dytë dhe të fundit në ndeshje (52’).

Kjo fitore e përforcon Milanin në pozitën e dytë me katër pikë më shumë se Juventusi që ka barazuar kundër Lecces.