Vdes Michael Jackson

Mbreti i muzikës pop, Michael Jackson, ka ndërruar jetë pas një arresti kardiak, bëjnë të ditur mediat amerikane.

Në një lajm të fundit, gazeta amerikane The Los Angeles Times ka raportuar se mbreti i muzikës pop ka vdekur.

Këngëtari kishte pësuar arrest kardiak (ndalim së funksionuari të zemrës), ndërsa kur ndihmësit mjekësor kishin arritur në shtëpinë e tij, ai më "nuk merrte frymë".

Gati të gjitha mediat amerikane pohojnë se Jackson është në komë , ndërsa LA Times, duke iu referuar zyrtarëve të spitalit ku këngëtari është shtruar, pohon se ai tashmë është i vdekur.

Ikona e muzikës pop filloi karrierën si fëmijë me grupin “Jackson 5”, ndërsa u bë këngëtari më i famshëm në botë kur filloi të këndonte solo në vitet e shtatëdhjeta.

Lansimi i albumit "Thriller" ishte arritja më e madhe e tij në karrierë, pasi ky album mban rekordin e albumit më të shitur të të gjitha kohërave. Derisa hitet e tilla si "Billie Jean" dhe "Beat It" bënë që Mbreti i muzikës pop të pëlqehet nga miliona fansa anembanë botës, të cilët imitonin stilin e tij të vallëzimit.

Gruaja e parë e legjendës së muzikës ishte vajza e Elvis Presleyt, Lisa Marie Presley, me të cilën u martua në vitin 1994, ndërsa martesa e tyre zgjati vetëm dy vite.


Më vonë, ai u martua me australianen Debbie Rowe me të cilën ka dy fëmijë, Prince dhe Paris. Ndërsa fëmija i tretë, Prince Michael II, është lindur nga një nënë surrogate për të cilën nuk ka informata.

Vitet e fundit Jackson ka pasur probleme serioze financiare me ç’rast thuhej se ka borxh afër 500 milionë dollarë, një pjesë të madhe të këtij borxhi këngëtari shpresonte ta paguajë me koncertet e paralajmëruara të mbaheshin në O2 Arena të Londrës nga muaji korrik.
Megjithatë konfirmimi për vdekjen e Michael Jackson do t’i bëjë miliona njerëz anekënd botës që të mbajnë zi për njeriun që do të mbahet mend gjatë në histori.

Ngushllime te perzemerta mbret i popit Michael Jakson me vjen shume keq per vdekjen e shpejt qe mori mbretin e muzikes pop .e kam degjuar nga femijeria por besoj se edhe fmit e mi do ta ndegjojn.Posaqerisht me pelqeu gjesti i tij qe u be mysliman zoti e bekoft Michaelin.

Ngushllime per vdekjen e muzikes POP per shembullin e artistave, dhe per vdekjen e artistit me te madhe ne bote. RIP M.Jackson

ngushellime per vdekjen e mbretit te pop muzikes... RIP Michael Jackson...

zoti xhenetin