Dëshira e parë e drejtuesve të Milanit për të përforcuar skuadrën edhe më tutje mbetet boshnjaku, Edin Xheko, mirëpo në rast se bisedimet për transferimin e këtij futbollisti me Volfsburgun dështojnë, atëherë kuqezinjtë si alternativë kanë sulmuesin e Arsenalit, Emanuel Adebajor.
Një gjë të tillë e ka bërë të ditur Galiani, i cili ka thënë se janë në pritje të rezultateve të bisedimeve me Volfsburgun, por nëse transferimi i Xhekos dështon, atëherë Milani do të përqendrohet në "planin B". "Adebajor është alternativë për Xhekon dhe tashmë kemi biseduar rreth kësaj çështje me trajnerin e Arsenalit, Arsen Venger", ka pohuar Galiani. Ai nuk ka bërë të ditur nëse ka biseduar me klubin londinez për shifrën konkrete që mund të ofrojë klubi kuqezi, por "Sky Sport" ka bërë të ditur se "topçinjtë" janë të gatshëm për shitjen e sulmuesit të tyre togolez.