Perveç interesimit nga Palermo dhe Xhenoa ne Serine A, Jahmir Hyka ka edhe oferta nga Spanja. Mesfushori i Kombetares eshte vene ne qender te vemendjes ne kete merkato vere dhe skuadrat e interesuara mund ta blejne per “vetem” 750 mije euro.

Lajmi eshte bere i ditur nga menaxheri Sokol Haxhia, i cili sqaroi situaten e talentit 21-vjeçar. “Mainci ka shume shpresa te ky djalosh dhe ne Gjermani besojne se do te behet lojtar i madh, edhe sepse luan me Kombetaren shqiptare. Mendoni qe ai i kushtoi 3.5 milione euro klubit, vetem kur ishte 19 vjeç”, tha Haxhia.

“Perveç Palermos dhe Xhenoas, per Jahmirin kam oferta edhe nga Spanja. Mainci pretendon te pakten 8 milione euro per kartonin e tij, por lojtari ka nje klauzole ne kontrate qe e lejon te largohet me nje te pesten e çmimit, nese nuk ka luajtur nje numer te caktuar ndeshjesh. Duke shfrytezuar kete pike, shifra maksimale qe mund te paguhet eshte 750 mije euro.

Vitin e kaluar, djaloshi perfitoi 400 mije euro rroge dhe besoj se ai vlen dhjete here me shume nga sa paguhet”. Nderkohe, vete mesfushori pasi ka deklaruar se enderron te luaje ne Serine A, zbuloi edhe preferencat: “Xhenoa eshte nje skuader e mire, qe kete vit luan ne Europe, por mua me pelqen me shume te luaj ne Palermo”.