Blater: Blerja e Ronaldos, mëse normale
29062009
Blater: Blerja e Ronaldos, mëse normale
Presidenti i FIFA-s: Nuk skandalizohem nga 90 mln eurot, një pikturë e Pikasos është blerë 100 milionë
Blerja më e shtrenjtë në historinë e futbollit, ajo e Kristiano Ronaldos nga Reali i Madridit është marrë në mbrojtje nga presidenti i FIFA-s, Sep Blater. Duke folur dje në Afrikë të Jugut para fillimit të Kupës së Konfederatave, ai ka larguar frikën se blerja prej 80 milionë stërlinash tregon popullaritetin e lojës së futbollit. "Tregu është shumë i ndjeshëm këto kohë, sepse jemi në krizë ekonomike", tha ai. "Por në futboll, nëse jemi në një treg të mirë, do të thotë që futbolli është produkt i mirë, një produkt që u jep njerëzve atë që duan, emocione. Kjo është loja e njerëzve dhe atyre u duhen yje. Okej, është një shumë e madhe parash, por ai luan futboll".
Lojtari i vitit i FIFA-s do t'i bashkohet Realit pasi klubi i Mançester Junajtid pranoi ofertën e bërë nga spanjollët. Oferta u bë pas ardhjes sërish në krye të Realit të presidentit ambicioz Florentino Perez, i cili bleu edhe Kakanë nga Milani për 56 milionë stërlina. Blater ka shtuar se ky trend nuk ishte diçka e re, duke veçuar transferimin e Ronaldos si shembullin më të mirë, po në Spanjë. "Shikoni, para dhjetë vitesh patëm një tjetër blerje të një lojtari, me po të njëjtin mbiemër, Ronaldo. Ai u ble nga një klub spanjoll për 70 milionë euro. Sot kjo shifër është në 80 milionë stërlina. Kjo tregon se njerëzit kërkojnë të kenë yje në skuadër".
Komentet e Blaterit erdhën pas komenteve të Mishel Platinisë, i cili e quajti "të ekzagjeruar" këtë shitje dhe "një sfidë serioze ndaj idesë së lojës së ndershme". Por Blater ka shtuar: "Dhjetë vjet më parë një pikturë e Pikasios u shit për më shumë se 100 milionë stërlina. Çfarë ka ndodhur me këtë pikturë? E kanë fshehur diku që të mos e vjedhë dikush dhe askush nuk mund ta shohë. Por një lojtar futbolli luan një ose dy herë në javë dhe të gjithë mund ta shohin. Paratë nuk i merr lojtari, por klubet. Po, mund të thoni që është shumë, por duhet ta shihni këtë në kontekstin e vlerës së futbollit në shoqërinë tonë", ka përfunduar Blater.
Similar topics
» Blater lavdëron Afrikën e Jugut
» Valencia: Nuk jam zëvendësim i Ronaldos
» Pellegrini i lumtur me rikthimin e Ronaldos
» Interesimi për prezantimin e Ronaldos sa edhe për El Classico
» Klubi i Realit pret 25 mijë tifozë dhe 500 gazetarë në prezantimin e Ronaldos
» Valencia: Nuk jam zëvendësim i Ronaldos
» Pellegrini i lumtur me rikthimin e Ronaldos
» Interesimi për prezantimin e Ronaldos sa edhe për El Classico
» Klubi i Realit pret 25 mijë tifozë dhe 500 gazetarë në prezantimin e Ronaldos
Drejtat e ktij Forumit:
Ju nuk mund ti përgjigjeni temave të këtij forumi