Tom Hanks do të nderohet nga kolegët e tij në një gala-mbrëmje e cila do t’i dedikohet pikërisht fituesit të dyfishtë të çmimit Oskar.

Ylli i filmit “Forrest Gump” do të nderohet nga miqtë e tij Sally Field, Ron Howard, Mike Nichols dhe Julia Roberts, në përvjetorin e 36-të të ceremonisë së Shoqatës së Filmit.

Nata e madhe për Tom Hanksin do të mbahet më 27 prill, me ç’rast aktori do t’u bashkëngjitet yjeve, si Charlie Chaplin, Laurence Olivier, Federico Fellini, Elizabeth Taylor, Martin Scorsese, Meryl Streep etj., të cilët janë nderuar më parë nga Shoqata e Filmit.