Barcelona, që fitoi tre trofe në sezonin e kaluar, do të marrë tre ose katër futbollistë të nivelit më të lartë të mundshëm, gjatë merkatos së verës, bëri të ditur dje presidenti i katalanasve Juan Laporta. “Po ju njoftojmë se do të marrim tre apo katër futbollistë cilësorë, në rolet që stafi teknik i mendon të nevojshëm, - tha Laporta në një komunikatë për shtyp. - Kemi fituar gjithçka të mundshme, por ndërtimi i këtij ekipi nuk ka përfunduar. Vitin e ardhshëm do të jemi edhe më të fortë. Do t’i sjellim ekipit të tjerë kampionë në përbërje”. Në lidhje me të ardhmen e Samuel Etosë, numri 1 i kalatanasve, tha: “Kemi marrë disa oferta për të. Kur të kthehet nga ndeshjet e kombëtares do të bisedojmë dhe do të marrim një vendim për të ardhmen”. Sipas shtypit spanjoll, Barcelona do ta shesë Etonë për t’i liruar vendin Zllatan Ibrahimoviçit, që ka shumë gjasa të vijë nga Inter