Suksesi i arritur në Kupën e Konfederatave ka bërë që kombëtarja e Brazilit të ngjitet në pozitën e parë në renditjen e FIFA-s për muajin korrik. Brazili, i cili muajin e kaluar renditej në pozitën e katërt, ka marrë kryesimin me 1672 pikë, duke lënë pas vetës kryesuesen e deritashme, Spanjën, me 1590 pikë.
Kjo e fundit në Kupën e Konfederatave zhgënjeu, duke pësuar humbje në gjysmëfinale nga SHBA-ja. Një vend në renditje e ka humbur edhe Holanda, derisa Italia ka ruajtur pozitën e katërt. Ndërkohë, kombëtarja e Shqipërisë ka zbritur tri shkallë më poshtë dhe tash zë vendin e 95-të, si rrjedhojë e humbjes ndaj Portugalisë dhe barazimit në miqësoren me Gjeorgjinë.

Renditja e FIFA-s
1.Brazili 1672 pikë
2.Spanja 1590
3.Holanda 1379
4.Italia 1229
5.Gjermania 1207
6.Rusia 1161
7.Anglia 1135
8.Argjentina 1091
9.Franca 1082
10.Kroacia 1031
--------------------------
95.Shqipëria 347