Një ditë pas prezantimit të brazilianit Kaka në "Santiago Bernabeu", Reali ka përfunduar punën edhe rreth transferimit të një tjetër futbollisti të famshëm. Bëhet fjalë për francezin, Karim Benzema, i cili do t'i bashkohet klubit madrilen për 35 milionë euro.
Një lajm të tillë e bëjnë të ditur mediat spanjolle. Drejtuesit e Lionit për golashënuesin 21-vjeçar kishin kërkuar 40 milionë euro, kurse Reali fillimisht kishte ofruar 33 milionë euro. Megjithatë, presidenti i "klubit mbretëror", Florentino Perez kishte rritur ofertën edhe për dy milionë, gjë e cila bëri që homologu i tij nga radhët e Lionit t'i jap përgjigje pozitive. Benzema është përforcimi i katërt i Realit, pas Kakas, Ronaldos dhe Albiolit.