Atleti nga Xhamajka, Usain Bolt, i cili vlerësohet si ‘njeriu më i shpejtë’ në botë, do të marrë pjesë në Mitingun e Lozanës, më 7 korrik, ku do të paraqitet në vrapimin 200 metra. “Lozana do të jetë test i vërtetë. Në këtë garë do të shoh se në çfarë gjendje jam për momentin dhe çfarë duhet të punoj ende që të jem edhe më i shpejtë në këtë disiplinë”, ka pohuar Bolt, i cili e mban rekordin botëror 19,30 sekonda të arritur në Lojërat Olimpike në Pekin.
“Kam nevojë edhe për pak kohë për të arritur formën që e kisha në Pekin. Jam i gatshëm të punoj maksimalisht, pasi dëshiroj të jem sa më i përgatitur për Botërorin e Berlinit”, ka nënvizuar Bolt.