Rok-bendi irlandez "U2" kanë mposhtur konkurrentë të tillë, si Lady Gaga, Kelly Clarkson dhe Annie Lennox, për të qëndruar në krye të top-listave evropiane të albumeve për javën e tretë radhazi.

Albumi “No Line On The Horizon” i “U2” qëndron para albumit debutues të Lady Gaga “The Fame”, i cili ka zënë vendin e dytë.

Kelly Clarkson dhe Annie Lennox zënë pozitën e tretë, respektivisht të katërt, me albumet “All I Ever Wanted” dhe “The Annie Lennox Collection”.

Ndërsa top-pesëshin e përmbyll grupi britanik “The Prodigy”, me albumin e tyre “Invaders Must Die”.