Ylli i filmit "Harry Potter", Rupert Grint, është sëmurë nga gripi i derrave.

Tri ditë para premierës së madhe në Londër të vazhdimit “Harry Potter and the Half-Blood Prince”, aktori 20-vjeçar, i cili luan rolin e Ron Weasley, ka marrë disa ditë pushim pasi është vërtetuar se është infektuar me virusin H1N1.

Ndërkohë, zëdhënësi i aktorit ka njoftuar se gjendja e tij është përmirësuar dukshëm dhe i ka siguruar fansat se javën e ardhshme Grint do të kthehet në xhirimet e vazhdimit tjetër “Harry Potter and the Deathly Hallows”.