Modelja britanike Katie Price, e njohur si Jordan, do të rikthehet sërish në Amerikë në përpjekje për të lansuar karrierë në Hollywood.

Mediat britanike shkruajnë se Jordan është në bisedime për të marrë role të aktrimit me një sërë agjencish.

Në mesin e agjencive janë edhe “Creative Artists Agency”, që ka në listën e klientëve edhe yjet si Nicole Kidman, Tom Hanks dhe Hugh Grant, si dhe “William Morris”, të cilën e përfaqësojnë Russell Crowe dhe Denzel Washington.

“Jemi duke punuar në arritjen e një marrëveshje e cila do ta lansojë Katien në Shtetet e Bashkuara. Ajo vërtet është duke dashur të aktrojë dhe nuk duhet të ketë problem kjo të ndodhë”, ka thënë burimi.