Santana ndez Shkupin

Të premten mbrëma, kitaristi legjendar Carlos Santana ka mbajtur një koncert në Shkup, ku ishin të pranishëm një numër i madh fansash nga Kosova.

Me tingujt kitarës së tij, Santana krijoi një atmosferë të jashtëzakonshme në kryeqytetin maqedonas duke grumbulluar afër 15.000 fansa, ndërsa më shumë se 1.000 prej tyre kishin udhëtuar nga qendra të ndryshme të Kosovës.

Hitet e tilla si “Europa”, Black Magic Woman”, “Maria”, “Smooth” etj., ishin këngët që u ndoqën me brohoritje dhe disa prej tyre këndoheshin nga publiku.

Pas koncertit, në një lokal të Shkupit ishte organizuar një ‘pasndejë’ për fansat shqiptarë, ku nikoqir ishte grupi “Amon M’Ra”, mirëpo fansat u trajtuan edhe me muzikë nga bendi kosovar “Kthjellu”, dhe po ashtu performuan edhe Andos (bashkë me grupin “Kthjellu") dhe Babuka.