Noel Gallagher nuk planifikon të lansojë solo-album, edhe pse ka shkruar një numër të madh këngësh të cilat nuk janë të përshtatshme për grupin "Oasis", dhe po ashtu ai nuk dëshiron t’ia japë këngët e tij (ashtu siç ishte spekuluar) këngëtares Duffy.

Rokeri britanik aktualisht gjendet në turne me “Oasis” pas lansimit të albumit të shtatë “Dig Out Your Soul” (tetor 2008), ndërsa pas përfundimit të këtij turneu të gjatë në gusht, Gallagher nuk planifikon asgjë tjetër përveçse të pushojë.

“Kam plot këngë të cilat nuk do të përshtateshin siç duhet për ‘Oasis’. Por nuk kam plan të bëj asgjë pas këtij turneu përveç se të pushoj”.

Ndërsa i pyetur nëse do t’ia jepte ndonjë këngë Duffyt, Gallagher është përgjigjur: “Më mirë do ta zija gishtin me derë”.