Menaxheri i Lazios, Delio Rossi, ka thënë për mediat italiane se vitin e ardhshëm ai nuk do të jetë pjesë e ekipit romak.

“Vitin e ardhshëm nuk do të jem trajner i Lazios. Sonte do të takohem me presidentin dhe do t’ia përcjell vendimin tim, ndërsa nesër me siguri se do të ketë konferencë shtypi në të cilën do të bëhet i ditur vendimi im”, ka thënë Rossi.

E ardhmja e Delio Rossit me Lazion kishte qenë në dyshim edhe më herët, edhe pse arriti ta fitojë Kupën e Italisë.

Mediat italiane në të kaluarën e kanë lidhur Rossin me një kalim në Palermo, dyer të cilat hapen me largimin e fundit nga Lazio.