Arnim softuerik për MacBook Pro

Apple ka për qëllim që me arnimin softuerik të zgjidh problemin me zërin kumbues nga disku i fortë dhe ngrirjen e laptopëve MacBook Pro.

Në fakt, përdorues të shumtë ankohen se kohë pas kohe dëgjojnë zërin “bip” nga laptopët pas së cilit dëgjohet një zë tjetër nga disku i fortë dhe “ngrirja” e kompjuterit për rreth 10 sekonda. Pas kësaj periudhe kompjuteri rifillon të punoj normalisht.
Problemi i godet vetëm pronarët e laptopëve të pajisur me diskun e fortë prej 500 gigabajt me 7.200 rrotullime për minutë.

Në Apple kanë konfirmuar se janë të vetëdijshëm për problemin dhe se aktualisht janë duke punuar në një arnim softuerik me të cilin do të duhej ta hiqnin qafe këtë gjë, mirëpo nuk është dhënë asnjë informatë për datën e daljes së tij.