Victoria: Nuk do të merrem më me muzikë

Anëtarja e dikurshme e grupit "Spice Girls", Victoria Beckham, ka mohuar çdo mundësi për t’iu rikthyer sërish muzikës, pasi që ajo dëshiron të përqendrohet te moda dhe familja.

Xhinset, syzat dhe koleksionet tjera të Posh Spice janë bërë një hit i vërtetë, ndërsa ish-këngëtarja thotë se duke llogaritur familjen dhe biznesin e ri, ajo nuk ka kohë as të mendojë për muzikë.

“Nuk do të merrem më me muzikë. Kemi qenë shumë të suksesshme dhe ka qenë gjë e bukur që ishim në grup... kemi shitur 50 milionë albume. Është fantastike. Ishte një rrugëtim argëtues... Por atë nuk mund ta bëj më”, ka thënë Victoria.