Fotoaparate me ekrane të përparme

Samsung ka prezantuar dy aparate të rinj fotografik – DualView TL220 dhe TL225.

Karakteristikë për të dyja modelet është se kanë të vendosur ekrane LCD përpara që shërbejnë për realizimin e autoportretit.

Ekrani i përparmë ka diagonale prej 1.5 inçësh dhe është i ndjeshëm në prekje.

Të dy aparatet fotografike vijnë me senzor me rezolucion 12.2 megapikselë, zumim prej 4.6x dhe stabilizim optik të fotografisë.

Xhirojnë video me rezolucion 720p, ndërsa ajo që i dallon është edhe diagonalja e LCD-së së pasme, e cila në modelin TL220 ka 3 inç, ndërsa në atë TL225 ekrani ka 3.5 inç.

Këto aparate do të dalin në tregun amerikan në shtator të këtij viti. Çmimi i modelit TL225 do të jetë 350 dollarë, ndërsa modeli TL220 do të kushtojë 300 dollarë.