Gjatë një panairi të librit në Barcelonë, futbollisti i skuadrës katalonase, Lionel Mesi, ka përsëritur edhe një herë se nuk e ka ndërmend të largohet nga "Nou Camp". "Tashmë shumë herë kam theksuar se nëse gjithçka do të varej nga unë, atëherë përgjithmonë do të qëndroja te Barcelona", ka thënë Mesi.
Argjentinasi i cili ka ardhur në Barcelonë si 13-vjeçar është pyetur nëse për një shifër të konsiderueshme parash do të kalonte tek rivali i përbetuar, Real Madrid dhe ai është përgjigjur: "Ka gjëra të cilat paraja nuk mund t'i blejë, siç është lumturia dhe komoditeti që kam te Barcelona", ka nënvizuar Mesi. Gjatë këtij edicioni 21-vjeçari i lindur në Rosario ka shënuar 29 gola për Barcelonën, kurse në zgjedhjen e vitit të kaluar për futbollist të vitit në FIFA zuri vendin e dytë.