Versioni 3.0 i rrjetit online të njohur botërisht Facebook i përshtatur për përdorim me anë të iPhone është kryer në masë të madhe, dhe se është në dispozicion për testim.

Inxhinieri softuerik Joe Hewitt në shërbimin për mikro-blogje Twitter ka zbuluar: “Sapo kam ngarkuar aplikacionin Facebook për iPhone 3.0 në App Store".

Ai ka theksuar se gjatë javës do të publikojë edhe më shumë detaje në lidhje me aplikacionin i cili është jashtëzakonisht i popullarizuar dhe të cilin po e testojnë ekspertët e kompanisë Apple.

Për përdoruesit, qasja do të jetë e ngjashme me atë nga kompjuteri. Në fillim të gushtit Facebook ka njoftuar se janë duke testuar versionin e “lehtë” të faqes shfletimi i së cilës do të jetë më i thjeshtë dhe më i shpejtë.

FB 3.0 për iPhone do të përmbaj 15 opsione të reja, në mesin e të cilave janë shtimi i profileve dhe faqeve të preferuara, kërkimi më i lehtë dhe njoftimet, mundësia e rritjes së fotografive të shtuara në album të ri si dhe gjëra tjera.

Facebook vazhdimisht gjendet në mesin e pesë aplikacioneve më të përdorura në App Store, gjersa ai është shpallur edhe si aplikacioni më i popullarizuar në të cilin bota ndonjëherë është qasur.

Kur ky version për iPhone të lëshohet zyrtarisht, pritet se ai do të shkarkohet nga më shumë se dhjetë milionë përdorues të iPhone e iPod.