Karlo Ançeloti i ka kërkuar Milanit dy lojtarë për sezonin që vjen, ndryshe do të largohet. Ka qenë ky ultimatumi që trajneri i ka lëshuar drejtuesve të Milanit për sezonin e ardhshëm. Këtë lajm e zbulon e përditshmja angleze “Mirror”, sipas së cilës tekniku emilian u ka kërkuar drejtuesve kuqezi blerjen e Emanuel Adebajorit nga Arsenali dhe mbrojtësit Aleks nga Çelsi. Pra, me pak fjalë, një përforcim me peshë për sulmin e një për mbrojtjen. E përditshmja britanike vazhdon të komentojë se në rast se kushtet e Karlo Ançelotit nuk zbatohen nga Galiani, në mënyrë që trajneri të ndërtojë një skuadër kompetitive, “Karleto” mund të largohet drejt Realit të Madridit, ku e presin krahëhapur, tek të cilët do të gjejë presidentin që aq shumë po këmbëngul për të, Florentino Perezin, pse jo edhe Rikardo Kakanë e Kristiano Ronaldon.