Tiago Silva është blerë gjatë merkatos së janarit nga Milani dhe për momentin ai po studion futbollin italian në Milanelo, në mënyrë që të jetë i gatshëm për sezonin që vjen. Mbrojtësi brazilian tashmë duket i adaptuar me skemat e kuqezinjve dhe është gati të japë kontributin e tij. “Milani është një nga klubet më të mëdha të botës. Pato ka qenë shumë i rëndësishëm në ingranimin tim me skuadrën, më ka qëndruar gjithmonë pranë dhe falë tij po mësoj edhe italishten”. Brenda pak muajsh, Tiago Silva do zërë vendin e kapiten Maldinin, detyrë që nuk e tremb aspak talentin brazilian. “Maldini është një legjendë, e unë çdo ditë përpiqem të mësoj ndonjë të gjë të re për të qenë që në fillim në lartësinë e duhur. Të zëvendësosh një futbollist si Maldini nuk është e lehtë, por gjithsesi jam gati ta marr mbi shpatulla këtë përgjegjësi”, ka pohuar vetë braziliani Silva.