Boronicat mbrojnë nga ateroskleroza

Pas një studimi të Institutit kombëtar francez të agronomisë, objekt i të cilit ishin boronicat, është vërejtur se ekstraktet e fermentuara të boronicës ndihmojë në parandalimin e aterosklerozës.

Preparatet e fermentuara me ndihmën e tharmit kanë pasur efekt më të madh sesa preparatet standarde të pasura me antocianine, pasi ato kanë reduktuar formimin e pllakave aterosklerotike për 25%, shkruan revista Journal of Agricultural and Food Chemistry.

Duke qenë se si pasojë e aterosklerozës vdesin thuajse gjysma e evropianëve, këto efekte të shëndetshme të substancave bioaktive, duhet të nxirren në treg sa më shpejtë, ashtu që të jenë në shfrytëzim të gjerë.