Takimi i zhvilluar të mërkurën mbrëma në San Siro, ndërmjet Milanit dhe Olimpique de Marseille, ka përfunduar me rezultat të barabartë 1-1.

Kuqezinjtë kaluan të parët në epërsi pas një solo-depërtimi të Marco Borrielos (10’), i cili e kreu gjithë punën vetë.

Mirëpo, nuk kaloi shumë kohë (16’) dhe mysafirët barazuan rezultatin, kurse realizues ishte Lucho Gonzalez.

Në takimin tjetër të Grupit C, Real Madridi ka shënuar fitore minimale kundër FC Zurich me golin e shënuar nga Gonzalo Higuain (21’).

Pas xhiros së pestë, në këtë grup prin Reali me dhjetë pikë që pothuajse e ka siguruar kualifikimin, Milani ka tetë pikë ndërsa Marseille shtatë.

Në xhiron e fundit, kur takohen Cyrih-Milan dhe Marseille-Real Madrid, do të vendoset se kush do të vazhdojë në fazën e eliminimit direkt nga ky grup.