UEFA nuk ka hequr pezullimin e Lionel Messi dhe të trajnerit Guardiola të cilët do mungojnë në ndeshjen e Champions, ndaj Bayernit

UEFA ka hedhur poshtë ankesën e Barcelonës për anulimin e dënimeve ndaj lojtarit Lionel Mesi dhe trajnerit Hosep Guardiola, të cilat i kishin marrë në ndeshjen e parë çerekfinale të Ligës së Kampionëve, të mërkurën e kaluar kundër Bajern Mynihut.

Arbitri i takimit Hauard Veb i ka treguar Mesi kartonin e verdhë për shkak të simulimit të penalltisë, derisa Guardiola ishte përjashtuar pasi që kishte protestuar për shkak të mos akordimit të penalltisë.

Në deklaratën e publikuar në ueb-sajtin e ekipit www.fcbarcelona.com, thuhet se Guardiola për shkak të dënimit nuk do të drejtojë skuadrën e Barcelonës në ndeshjen e kthimit në Mynih. Barcelona ka mposhtur në takimin e parë bavarezët me rezultat 4:0.