Kompania indiane Tata Motors ka njoftuar se makina me e lire ne bote, Nano, do te prezantohet me 23 mars ne Mumbai. Ndersa nga mesi i muajit prill do te nise marrja e porosive per blerje.

Modeli baze pritet te kushtoje 100 mije rupi, ose 1984 dollare. Makina ishte planifikuar te prezantohej vitin e kaluar, por kompania Tata pati probleme pronesie me uzinen e saj ne perendim te Bengalit.

Vendi per prodhimin e makines Nano me kater dyer eshte caktuar tani ne Sanand te Gujaratit, pasi autoritetet atje ofruan 1100 akra. Tata Motors tha ne nje deklarate se po perpiqej te zgjeronte sa me shume rrjetin e porositeve te makines.

Fabrika do te prodhoje fillimisht 250 mije cope ne vit, ndersa vitin tjeter shifra do te rritet ne 500 mije. Edhe disa firma te tjera te prodhimit te makinave kane planifikuar te konkurojne me Nano, por nuk kane nisur ende prodhimin.