Pastiçierët meksikanë kanë përgatitur për 60 orë tortën me djathë të ëmbël (cheesecake) me peshë prej dy tonësh, e cila ka hyrë në librin e rekordeve “Gines”, kanë njoftuar agjencitë botërore. Sipas shefit pastiçierit, Miguel Angel Quezada, tortën prej djathi me dredhëza në maje e kanë përgatitur 55 kolegë të tij. Për tortën gjigante janë nevojitur 800 kilogram krem djathi, po aq jogurt, 350 kilogramë brumë, 250 kilogramë sheqer, 150 kilogramë gjalpë dhe 100 kilogramë dredhëza. Torta ka diametër prej dy metrash e gjysmë dhe lartësi prej 55 centimetrash. Ajo i është servirur 20 mijë personave.