Një postier në Illinois thotë se mori pakon më të pazakontë dhe të çmuar, kur gruaja lindi papritur në dhomën e ndenjes. Craig Ramirez, 34-vjeçar nga Carol Stream, dhe gruaja 31-vjeçare, kanë katër fëmijë, kështu menduan se do të ishte një tjetër lindje rutinë kur ajo u zgjua në 3:30 të mëngjesit për të shkuar në maternitet. Por kur arriti tek dera, koka e bebes kishte dalë. Craig njoftoi urgjencën, ndërsa gruaja Liza u mbështet në divan. Atëherë Craig u ul në gjunjë, vuri duart në kokën e bebes dhe foshnja rrëshqiti në krahët e babait. Lindja ndodhi kaq shpejt, sa nuk pati kohë të ndizte as dritat.