Pas suksesit te vitit te kaluar, “Milan Junior Camp” kthehet ne vendin tone.

Ne bashkepunim me kompanine “Taçi Oil” dhe disa sponsore te tjere, nga 6 deri me 10 korrik ata do te organizojne nje tjeter grumbullim stervitor me femijet shqiptare, ndersa me te talentuarit do dergohen ne Milano, per te marre pjese ne nje ceremoni te madhe ne “San Siro” dhe per te treguar potencialin e tyre ne syte e eksperteve te klubit kuqezi.

Nderkohe, per here te pare ne kryeqytet (me 16 e 17 maj) do te zhvillohet edhe “Milan Park Tirana”, nje park zbavitjesh per femijet. Pas miqesores se tetorit te kaluar, ku skuadra e Ançelotit luajti me Tiranen per te mbledhur fonde per programin “Albania Reads” te UNICEF, Milani pritet te vije serish ne Shqiperi.

“Objektivi i ndeshjes do te jete serish grumbullimi i fondeve per ndertimin e bibliotekave ne te gjithe territorin shqiptar”, u sqarua ne konferencen per shtyp. Daniele Masaro, ish-lojtar i njohur kuqezi, tha: “Ndodhemi ketu, sepse besojme te potenciali i vendit tuaj ne futboll”.