Barcelona vazhdon marshimin e saj drejt titullit kampion në kampionatin spanjoll, pasi ka mundur në “Kamp Nou” Seviljen me rezultatin e thellë 4-0. Gjithçka e thjeshte për futbollistët e trajnerit Guardiola, të cilët në të dy pjesët shënuan nga dy gola. Me këtë fitore Barcelona vendosi edhe rekord të ri në Primera Division. Për herë të prej kur liga spanjolle zhvillohet me 20 skuadra, një ekip ka arritur të merr 26 fitore në një sezon. Më herët Barcelona dhe Reali i Madridit mbanin rekordin me nga 28 fitore në një sezon mirëpo atëherë në Primera merrnin pjesë 22 skuadra. Edhe sulmuesi kamerunas, Samuel Eto vendosi rekord të ri personal duke shënuar 27 gola në një sezon. Më herët kamerunasi mbante rekordin me 26 gola. Gjithsej në Primera Division, Samuel Eto ka shënuar 159 gola, 105 gola në fanellën e Barselonës ndërsa 54 në fanelën e Majorkës.