Aktorja e serialit "The Hills", Audrina Patrige, po transferohet nga 'reality shou' amerikan për të lansuar shoun e saj personal.

23-vjeçarja do të largohet nga sezoni i pestë i serive të MTV-së, pasi ka nënshkruar një kontratë me producentin televiziv britanik, Mark Burnett.

Sipas THR.com, seritë e reja do ta paraqesin Patrige në jetën e saj personale dhe profesionale, ndërsa do të paraqiten në ekran që nga java e ardhshme (23 mars).

“Jemi shumë të lumtur që do të mund të punojmë me Audrinan. Ajo tashmë e ka dëshmuar kualitetin e saj, prandaj mezi presim t’ua tregojmë fansave të saj në mbarë botën një stad të ri të jetës dhe karrierës së saj”, ka thënë Burnett.