Ndonëse Bajerni i Munihut këmbëngulës se nuk do ta shesë francezin, Frank Riberi, ky i fundit edhe më tej ëndërron kalimin në "Santiago Bernabeu". Një gjë të tillë, Riberi e ka konfirmuar për të përditshmen franceze "L'Equipe".
"Unë kam vendosur, dëshiroj të shkoj te Reali i Madridit dhe askund tjetër", ka theksuar Riberi. Megjithatë, përgjigja e drejtuesve të Bajernit nuk ka vonuar. Ka qenë menaxheri kryesor i klubit, Uli Henes, i cili ka thënë se Bajerni nuk e ka ndërmend të heq dorë nga shërbimet e francezit. "Riberi dëshiron të shkoj te Reali? Kjo për ne nuk tregon asgjë, jeta nuk është gjithmonë përrallë, kurse ne nga Reali nuk kemi marrë ofertë konkrete. Nuk na duhet paraja e tyre dhe Riberi do të qëndroj te ne", ka thënë Henes.