Një plakë nga qyteti i Zurichut ka thirrur të enjten në mëngjes zjarrfikësit dhe policinë për ta shuar zjarrin i cili kishte “shpërthyer” nga televizori i saj.

Megjithatë, në shtëpinë e saj nuk ka pasur as tym e as zjarr. Me të arritur ata e kanë kuptuar se bashkëvendësja e tyre kishte qenë duke e shikuar një kanal televiziv i cili vazhdimisht transmetonte incizimin e një zjarri në oxhak.

"Zjarri është shuar me shtypjen e butonit”, ka theksuar policia në deklaratën e tyre për shtyp.