Skuadra kampione e Italisë, Inter, ka konfirmuar se mbrojtësi i saj, Marko Materaci ka zgjatur kontratën me këtë klub deri më 30 qershor të vitit 2012. Anëtari i kombëtares së Italisë, muajin e ardhshëm do të festojë ditëlindjen e tij të 36-të, prandaj duket se te Interi edhe do ta përfundojë karrierën.
“Tash mund të them se përjetësisht do të jem futbollist i Interit. Kam nënshkruar kontratë deri në vitin 2012, përkatësisht deri në fund të karrierës. Kjo gjë më ka bërë shumë të lumtur dhe do të shkoj në pushime shumë më i relaksuar”, ka pohuar Materaci, duke shtuar: “Kjo ishte gjëja më e rëndësishme për mua, sepse jam tifoz i Interit, në të njëjtën masë sa jam lojtar i kësaj skuadre. Do ta braktis futbollin duke bartur fanellën e këtij klubi, kurse qëllimi i vetëm do të jetë të fitoj sa më shumë trofe që të jetë e mundur si në Itali, ashtu edhe në Evropë”.