Keanu Reeves mezi pret të dëgjojë se çfarë do të thonë kritikët për filmin e tij të ri, pasi që atij i pëlqen të kuptojë mendimin e të tjerëve për punën që bën.

Ylli i filmit “Matrix” luan në dramën “The Private Lives of Pippa Lee”, e cila flet për një grua të moshës së mesme që ka probleme nervore, ndërsa Reeves luan rolin e të dashurit të saj më të ri.

“Dëshiroj të kuptoj se çfarë do të shkruajnë (kritikët). Sido që të jenë fjalët e tyre duhet që t’i kuptosh si një shqyrtim pozitiv. Megjithatë, ajo që do të shkruajnë ata është diçka të cilën unë nuk mund ta ndryshoj, prandaj kështu do të kuptoj se çfarë mendon audienca për filmin dhe paraqitjen time”, ka thënë aktori.