Dy shokët e ngushtë, Matt Damon dhe Ben Affleck, kanë qenë pjesë e një tavoline pokeri gjatë të enjtes mbrëma, si pjesë e një ngjarjeje bamirësie në Las Vegas.

Fituesit e çmimit Oskar i janë bashkuar nikoqirit Don Cheadle dhe disa fytyrave tjera të famshme, si aktorëve Brad Garrett dhe Danny Masterson, dhe ish-kampionit të pensionuar të boksit, Mike Tyson, për të ndihmuar mbledhjen e parave që do të ndihmojnë popullatën e Afrikës.

Yjet iu bashkuan anëtarëve të tjerë nga publiku dhe futën duart në xhepa për t’u bashkuar në këtë lojë, ku startuan me nga 5 mijë dollarë, dhe të gjitha përfitimet e fituesit shkuan për projektin “Enough” për të ndihmuar të mbijetuarit e luftës së Darfurit, në Sudan.