Trajneri i Valencias, Unai Emeri, ka bërë publik një fakt që tregon përçarje brenda skuadrës së tij, e sidomos motivin se pse skuadra nuk po arrin të tregojë një formë të mirë. Dy lojtarët më të rëndësishëm të skuadrës, David Vila e David Silva, nuk do luajnë në fundjavë, pasi kanë deklaruar se janë të dëmtuar. Gjithsesi, ata janë shprehur të gatshëm për të luajtur me Spanjën në mesjavë. “Nëse Vila dhe Silva nuk luajnë këtë fundjavë, do tregojnë qartë mungesë karakteri dhe se nuk e duan fanellën që mbajnë veshur. Më vjen keq që po ndodh kështu”, u shpreh kreu i pankinës së Valencias, Emeri, i cili ka kritikuar qartë veprimin e dy lojtarëve të tij.