01 gusht 2009 - 17:26:32Futbollisti i Barcelonës, Dani Alvesh ka pohuar se skuadra e tij duhet të bëjë çmos që edhe në edicionin e ri të fitojë kurorën e trefishtë. "Me stilin tonë të lojës kemi bërë që e gjithë bota të dashurohet në skuadrën e Barcelonës. Për këtë arsye duhet të njerëzve t'u sjellim edhe më shumë argëtim.
Koncepti i lojës sonë nuk duhet të ndryshojë. Përse do ta bënim një gjë të tillë, kur ai koncept na solli aq shumë trofe?", ka pohuar braziliani Dani Alvesh. Ai ka thënë se i vjen keq që Eto është larguar nga skuadra, por në të njëjtën kohë i është gëzuar ardhjes së Ibrahimoviqit. "Eto mbetet për të gjithë ne një kujtim i shkëlqyer. Por, ai u desh ta vazhdonte karrierën në një klub tjetër. I dëshirojmë gjërat më të mira në botë, kurse ne duhet të përqendrohemi tek vetja jonë. Zlatan Ibrahimoviq është një përforcim fantastik për skuadrën dhe jam i sigurt se në një kohë rekorde do të përshtatet në lojën tonë", ka nënvizuar Alvesh.
mbrapa