Futbollisti anglez, Stiven Xherard është i bindur se në shortin për Ligën e Kampionëve, i cili tërhiqet nesër askush nuk dëshiron ta ketë përballë Liverpulin. "Nëse më pyesni për faktorin e frikës në Ligën e Kampionëve, atëherë shtatë skuadrat e tjera çerekfinaliste do të duhej të brengoseshin kur do të luajnë kundër nesh.
Ne nuk i frikësohemi askujt. Për ne nuk paraqet problem kë do ta tërheqim në short, sepse jemi të sigurt se do të kalojmë në gjysmëfinale", ka theksuar Xherard, i cili në ndeshjen kundër Realit të Madridit në 1/8 e finales regjistroi paraqitjen e tij të 100 në Ligën e Kampionëve. "Por, nëse do të kishim mundësi të zgjidhnim kundërshtarin, atëherë sigurisht se do të ishin Vilareali dhe Porto, por duhet ditur se në këtë fazë të garave nuk ka kundërshtar të lehtë. Ky është fakt. Secila skuadër e cila ka arritur deri këtu, ka bërë një punë të mirë dhe beson te forcat e veta. Por, ne kemi treguar se jemi më të fortë kur jemi të bashkuar, tifozët, futbollistët dhe trajneri", ka përfunduar Xherard.