Facebook përvetëson FriendFeed

Facebook ka njoftuar se do të marrë FriendFeed, kompani në ngritje, e cila u mundëson shfrytëzuesve të këmbejnë materialet në kohën e duhur ndërmjet rrjeteve të ndryshe shoqërore.

Kushtet e kësaj marrëveshjeje nuk janë publikuar, por Facebook ka njoftuar se fillimisht FriendFeed do të vazhdojë me punën e deritanishme, derisa ekipet nga të dyja kompanitë të zhvillojnë plane afatgjata.

Katër themeluesit e FriendFeed, të cilët janë ish-punëtorë të Google, e kanë themeluar këtë kompani në vitin 2007, ndërsa kur Facebook ta merr nën vete këtë kompani, atëherë katër themeluesit do të kenë role të rëndësishme në zhvillimin e produkteve.