Anulohen koncertet për Jackson

Janë anuluar dy koncertet e planifikuara të mbaheshin në Londër për ta festuar ditëlindjen e 51-të të legjendës së ndjerë të muzikës botërore, Michael Jackson.

Vëllezërit e Mbretit të muzikës pop, Jermaine, Jackie, Tito dhe Marlon Jackson, kishin vendosur ta nderonin ikonën e muzikës (i cili vdiq më 25 qershor) me dy koncerte në O2 Arena, me ç’rast koncerti i parë do të mbahej më 29 gusht, në ditëlindjen e këngëtarit.

Shefat e kompanisë AEG Live, të cilët ishin prapa 50 koncerteve të planifikuara për rikthimin e Michael Jackson, ishin organizatorët e këtyre dy koncerteve, mirëpo sipas “The London Paper”, ata nuk kanë arritur të sigurojnë shumë emra të mëdhenj për këto dy koncerte, dhe kjo është arsyeja e anulimit të tyre.